SURIAK SIU

oleh Sayu Agustini (catatan) 24 mei 09 jam 18:39

Ngeb Guimin tityang...
kaja, kangin, kelod lan kauh....
sami masuriak...
masuriak siu.....
gejer gumin tityang sekadi lindu matiban semeng
nyeh tityang masuara
takut tityang masuara
santukan sami pada trepti
macingak kiwa sareng tengen
sekadi jagat linuh
sabeh pengit meiteran ring gumin tityang
merereb sami sekadi gerubug siu
jejeh pisan tityang
sekadi bataran gumin tityang makaon saking pacarikan jagat
Ratu Batarin Tityang ring Prajapati
Ratu Bataran Tityang ring Pura Dalem
sampunan atman tityang ka amet antuk sang jogor manik
miwah maanter ring sang rng sang suratma
santukan ageng piwal tityang
tityang seneng bog bog
tityang seneng malampah kiwa
seneng mawiweke soleh
seneng piwal ring widhi
seneng nantangin karma
seneng mabawos nantang
nantangin jagat batara sami
santukan tityang meled
dados bataran momo
dados bataran kama
dados bataran angkara
dados bataran kala
nunas iwang tityang
ecen tityang galah
mecikang margi
sane sampun buug
katelajak antuk kukun tityang sane reged
nunas ampura tityang
icen pamargi
sane pacang ngelampahing
pamargin tityang nuju sunia
sunia ring jagat
sunia ring angkasa
mangde taler sami\
ring sahananin jatma ring jagat puniki
kasuecan pamatut
antuk kepiwalan ipun
dados manusa
magitik antuk lokita tanpa logika
inggih ratu bataran tityang sami
apurayang tityang
ampurayang ipun sami
mangda sami dados SANTHI mawiji SIKI
OM OM OM"